Ar werzaouriezh e galleg eo gwerzaouriezh ur yezh e-lec'h ma n'eus tamm taol-mouezh ebet, e-lec'h ma ne vez ket graet kazimant tamm diforc'h ebet etre ur vogalenn hir hag unan verr ; un dra a gont, ar rimoù. E-kichen se, e yezhoù evel an alamanteg, ar saozneg, al latin, ar gregach, yezhoù gant un taol-mouezh kreñv pe un diforc'h splann etre vogalennoù berr hag hir, e kaver un doare gwerzaouriezh diazezet war an troatadoù, ha daou skrivagner evel Roparz Hemon ha Padrig Hellen o deus implijet an diazezoù-se ivez, dre ma eo pouezmouezhiet kreñv ar gerioù brezhoneg.
Doare kustum da verkañ ar silabennoù : berr, pe hep pouezmouezh : ˘, hag hir pe pouezmouezhiet : 

 

a) iamb (grg iambos) : ur silabenn verr, unan hir.
     ˘        ̅       ‖      ˘        ̅       ‖      ˘        ̅       ‖      ˘        ̅       ‖      ˘        ̅       ‖
   The    or-      chard walls       are    high       and   hard         to climb   (Shakespeare)
     ˘        ̅       ‖      ˘        ̅       ‖      ˘        ̅       ‖      ˘        ̅       ‖      ˘        ̅       ‖  
   Va   jav           ha     me            o   vont           a   -hed           an    hent     (R. Hemon)
  ˘        ̅       ‖      ˘        ̅       ‖      ˘        ̅       ‖      ˘        ̅       ‖      ˘        ̅      ‖    
  A    horse !    A   horse !     My    king-       dom  for           a    horse !  
The   day        is     ours.       The  bloo-      dy      dog        is     dead   (Shakespeare)
     ˘        ̅       ‖      ˘        ̅       ‖      ˘        ̅       ‖      ˘        ̅       ‖
     Ur   pao-      trig    lent           e     penn       al   leur  
     E -   u-         nan  kaezh        e      di-       lerc'h kant. (Padrig Hellen)
      ˘        ̅       ‖      ˘        ̅       ‖      ˘        ̅       ‖      ˘        ̅       ‖      ˘        ̅       ‖
     Dre  hen-      toù    blin         an    hañv      ouzh troad       ar     run
     Da  greiz       an     deiz         e      ti-          zhas  aod         ar     mor,
     Nep  den,      nep    bag,       nep    gwe-     zenn  tro-       war-   dro
     Ne-   tra        'met  traezh      ha    dour        ha     bi-         li       ruz (R. Hemon)

 

b) Troc'he (diwar grg troc'hos = rod, cf gg trochoïde) : ur silabenn hir, unan verr.
    ̅       ̆       ‖    ̅       ̆       ‖    ̅       ̆       ‖    ̅       ̆       ‖
  Di-  es         i-    rae        di-   es         il-   la
  Sol-vet       sae-clum     in      fa-       vil- la      (Latin, war-dro an XIIIvet kantved)
    ̅       ̆       ‖    ̅       ̆       ‖    ̅       ̆       ‖    ̅       ̆       ‖
 Sah   ein     Knab' ein    Rös- lein     steh' n
  Rös-lein     auf    der     Hei-den                  ( Heidenröslein, Goethe)
    ̅       ̆       ‖    ̅       ̆       ‖    ̅       ̆       ‖    ̅       ̆       ‖
Dou- ble,     dou- ble,     toil   and     trou- ble
Fi-     re       burn and     caul-dron    bub- ble (Shakespeare, Macbeth)


c) Troatadoù all implijet stank : Daktil :  ̅     ̆    ̆  (grg daktulos = biz),   Anapest :   ̆    ̆    ̅  (grg anapaistos = war ribourz, a-souz)

 

d) Troatadoù all ha ne blijont ket d'ar skouarn : tribrac'hus :  ̆    ̆    ̆  (grg : teir verr), prokeleusmatikos :   ̆    ̆    ̆    ̆  (diwar grg keleusma = doare da c'helver pe da isañ ur c'hi en ur grial "tie tie tie tie !"), sponde :   ̅     ̅  ( grg spondeios pous, troatad an evadegoù ). Ne vezont ket implijet er werzaouriezh er yezhoù meneget uheloc'h, hag an daou ziwezhañ, pe bommoù hag a denn dezhe, a vez argaset e brezhoneg komzet (sellet izeloc'h).

 

 

 

 

lirelasuite-1

 

>> Dihellou / Devezh-studi 2013

 

 

KEAV

 ausujetdekeav-bis

KEAV 22 hent Mouliouen 29000 KEMPER
Pgz : 02 98 95 59 31 Postel : keav@keav.bzh

 

Diwar-benn Keav

E 1948 e tivizas 3 emsaver breizhad,Vefa de Bellaing, Zavier Langleiz ha Ronan Huon sevel KEAV, kentañ skol-hañv e brezhoneg penn-da-benn. Da mare-se e oa ret bezañ kalonek evit krediñ hen ober, koulskoude, petra a c'hellfe bezañ efedusoc'h hag anatoc'h eget ur c'hamp lec'h ma ne vez implijet yezh all ebet estreget ar yezh emeur o teskiñ ? Betek ar bloavezh 1976 e veze dalc'het ar skol-hañv bep bloaz en ul lec'h disheñvel e Breizh. Adalek ar bloavezh 1976 e voe dalc'het ar staj ingal e Skaer, ur gêr vihan a vro Gerne. E 2010, cheñchamant, setu KEAV e Skol al Labour Douar ar stêr Aon e Kastellin. Aze emañ c'hoazh hiziv.