Skipailh ren skol KEAV

Renet eo ar skol-hañv gant Gwenael Huon, prezidant KEAV, hag Anna ar Beg, a zo sekretourez ha teñzorerez. N'int ket o-unan avat : ne vefe ket eus KEAV paneve labour ur gwir skipailh tud. En o mesk emañ tud ar c’huzul-merañ, a vez bodet 3 ; 4 pe 5  gwech ar bloaz evit prientiñ ar c'hamp hag an devezhioù studi. Hag a-benn kas ar stajoù-se da benn ez eus un toullad kenlabourerien all : ar gelennerien hag an animatourien da gentañ-penn evel-just, tud eus an diavaez a vez goulennet digante ober war-dro tra pe dra, hag ivez ar stajidi o-unan a c'hall kemer un obererezh war o c'hont, ken e c'haller lavaret mod pe vod e kemer perzh an holl e mond-en-dro ar staj . An holl dud-se a stourm a youl vat evit KEAV...

 

KEAV

 ausujetdekeav-bis

KEAV 22 hent Mouliouen 29000 KEMPER
Pgz : 02 98 95 59 31 Postel : keav@keav.bzh

 

Diwar-benn Keav

E 1948 e tivizas 3 emsaver breizhad,Vefa de Bellaing, Zavier Langleiz ha Ronan Huon sevel KEAV, kentañ skol-hañv e brezhoneg penn-da-benn. Da mare-se e oa ret bezañ kalonek evit krediñ hen ober, koulskoude, petra a c'hellfe bezañ efedusoc'h hag anatoc'h eget ur c'hamp lec'h ma ne vez implijet yezh all ebet estreget ar yezh emeur o teskiñ ? Betek ar bloavezh 1976 e veze dalc'het ar skol-hañv bep bloaz en ul lec'h disheñvel e Breizh. Adalek ar bloavezh 1976 e voe dalc'het ar staj ingal e Skaer, ur gêr vihan a vro Gerne. E 2010, cheñchamant, setu KEAV e Skol al Labour Douar ar stêr Aon e Kastellin. Aze emañ c'hoazh hiziv.