"Mont war-raok, Bevañ e brezhoneg"

Kastellin 09-15 ha 16-22 a viz Gouere 2017

skol-hanv-2017-tu mat 

 

 Evezhiadennoù hollek

 

1 . Ar brezhoneg  eo  yezh ar staj.
Staj KEAV a zo ur bodad tud laouen oc’h en em gavout asambles evit klevet ha komz brezhoneg a-hed an devezh hag e-pad ur sizhun, pe div, evit  bevañ e brezhoneg hag evit reiñ tro d’an deskarded da zeskiñ ar brezhoneg o soubañ enni a-hed an amzer.
Anez gouzout diazezoù kentañ ar brezhoneg (ur bloavezh studi pe zaou) n’hall ket staj KEAV digas frouezh d’an den. D’ar gwir zeraouidi e tegasomp da soñj e vez aozet stajoù evite er memes mare.

     

2 . Ar c’hentelioù war ar brezhoneg diouzh ho live hag ar c’hentelioù er rummadoù war temoù, war un danvez
E pep hini eus an div sizhun e rank an den dibab etre :
studiañ brezhoneg e kentelioù aozet e kentelioù a strolladoù bihan diouzh e live,
pe
heuliañ kentelioù en ur rummad hag a bleustro war un danvez bennaket a vo diskleriet deoc’h pelloc’h.

2 . 1 . Ar c’hentelioù war ar brezhoneg e strolladoù bihan diouzh o live
Renket hag aozet e vez ar c’hentelioù-se diouzh live ar stajidi. Dre testennoù pe c’hoarioù e vez studiet brezhoneg : ar c’heriaoueg, ar yezhadur hag an distagadur diouzh doare pep kelenner. Lakat mod pe vod ar skolidi da gaozeal diouzh o live eo ar pal.
An dud ne gomprenont ket re vat pe n'int ket gouest da gazeal kaozeal aezet-tre eo o flas en unan eus ar c’hentelioù-se.
Pemp strollad a vo. Strolladoù al live uhelañ (ar strolladoù 4 ha 5 da gustum) a zere mat-tre ouzh an dud a oar komz, kompren ha skrivañ mat brezhoneg.
2 . 2 . Kentelioù ar rummadoù war un tem, war un danvez
Ar re a oar komz, kompren ha skrivañ mat brezhoneg a c’hall en em enskrivañ en ur rummad kentelioù da bleustriñ war un danvez bennaket. N’eo ket un « danvez da zibab e framm ar c’hentelioù ordin » : a-hed an devezh hag a-hed ar sizhun e vo labouret war an danvez-se.

Evit lenn hiroc'h diwar-benn ar rummad:

- Distagadur Pouez-Mouezh, resisadurioù : amañ ;

- Kazetenniñ gant Radio Kerne, resisadurioù : amañ ;

- Sevel pennadoù, resisadurioù : amañ ;

- C'hoariva, resisadurioù : amañ ;
- Istor ha lennegezh resisadurioù : amañ hag amañ c'hoazh ;

- Troiñ, residadurioù : amañ ;

- Brezhoneg er familhoù , resisadurioù : amañ hag amañ c'hoazh ;

- Kan e-barzh an dañs , resisadurioù : amañ ;

- Kembraeg : resisadurioù : amañ ;

 

3 . An danvez skolaerien/kelennerien
Prantadoù gouestlet d'ar bedagogiezh a vo aozet e-pad ar staj evit an danvez skolaerien/kelenerien.
An danvez skolaerien/kelennerien a vo e staj KEAV ne vezint ket laket en ur strollad ispisial : pep hini nê a vo en ur strollad diouzh e live. Ar re a gompren mat hag a oar komz ha skrivañ brezhoneg a c’hallo, ma karont, bezañ en ur rummad war un danvez…
Fichenn Skoazell KEAV e traoñ ar bajenn-mañ.
 

4 . Ar vugale, ar grennarded, ar familhoù

4 . 1 . Ar vugale a zo etre 6 vloaz ha 12 vloaz
Degemeret e vez ar vugale a zo etre 6 vloaz ha 12 vloaz en ur « ALSH » (Accueil Loisirs Sans Hébergement e galleg) reomp «kreizenn ar vugale» diouti. Digor eo an "ALSH" etre 9 e eur ha 5 eur evit an obererezhioù gant un diwallerezh adalek 8 eur 30 diouzh ar mintin betek 5 eur hanter d'enderv. Evit pred kreisteiz e chom ar vugale dindan giriegezh ar "greizenn" evit ma yafent war-raok gant ar brezhoneg ouzh taol hag evit reiñ an tu deomp da grouiñ ur spered a-stroll etre ar vugale, hag etre ar vonitourien hag ar vugale. Da goan e c'hall ar vugale bezañ gant o zud ha lakaat ar pezh o deus desket e pleustr. Dizale e c'hallor gouzout dre ar munud ar pezh  a vo graet er rummad-mañ.

>> Plaketenn ar greizenn-dudi : resisadurioù : amañ ;

4 . 2 . Ar vugale dindan 6 vloaz : Ar brezhoneg er familhoù
Fellout a ra deomp skoazellañ an tadoù hag ar mammoù a oar brezhoneg un tamm ha ne gredont ket ober da vat ganti er gêr c’hoazh.
Ar rummad kentelioù « Ar brezhoneg er familhoù» a zegemer tud gant o bugale oadet dindan 6 vloaz evit pleustriñ war ar vuhez ordin e brezhoneg.
Digor eo ivez d'an dud divugel er mare-mañ met a fellfe dezhe desevel o bugale e brezhoneg a gavo o flas aze ivez.
Labouret e vo e prantadoù berr, war demoù tost ouzh ar vuhez pemdez ; aozet e vo pourmenadennoù, c’hoarioù a-stroll, desket kontañ istorioù ha rimadelloù 

 >>  Evit gouzout hiroc'h : amañ

 >>  Framm an devezh : amañ

4 . 3 . Ar grennarded

Ar grennarded  a gemero perzh en ur raktres diwar-benn bed ar radio d'an enderv hag e c’hoarioù pedagogel d'ar mintin, er sizhun gentañ. Yezh ha Dudi!

 >> Evit gouzout hiroc'h, amañ

 

5 . An oberezhioù, ar c’hoarierezhioù e-maez ar c’hentelioù
Er maez eus ar c’hentelioù e vez kinniget d’an holl :
da greisteiz, un hanter eur kan an holl asambles, o tañsal a-wechoù diouzh kinnig an hini a ra war-dro ,
goude pemp eur (hervez an deizioù), mont da bourmenn, ober sport, mont da welet tud eus ar vro, kemer perzh e kaozeadennoù, e c’hoarioù, e stalioù-labour a bep seurt, sellet ouzh filmoù…
 Goude koan : kaozeadennoù, sonerezh, c'hoariva, beilhadegoù a bep seurt.

 

Goulennoù ordin / Diwar-benn ar staj, klikit amañ

 

Pezhioù-stag da bellgargañ :

    KEAV Folenn pleg dibleg 2017.pdf

    KEAV Skoazell 2017.pdf

    KEAV folenn enskrivañ 2017. pdf

 

KEAV

 ausujetdekeav-bis

KEAV 22 hent Mouliouen 29000 KEMPER
Pgz : 02 98 95 59 31 Postel : keav@keav.bzh

 

Diwar-benn Keav

E 1948 e tivizas 3 emsaver breizhad,Vefa de Bellaing, Zavier Langleiz ha Ronan Huon sevel KEAV, kentañ skol-hañv e brezhoneg penn-da-benn. Da mare-se e oa ret bezañ kalonek evit krediñ hen ober, koulskoude, petra a c'hellfe bezañ efedusoc'h hag anatoc'h eget ur c'hamp lec'h ma ne vez implijet yezh all ebet estreget ar yezh emeur o teskiñ ? Betek ar bloavezh 1976 e veze dalc'het ar skol-hañv bep bloaz en ul lec'h disheñvel e Breizh. Adalek ar bloavezh 1976 e voe dalc'het ar staj ingal e Skaer, ur gêr vihan a vro Gerne. E 2010, cheñchamant, setu KEAV e Skol al Labour Douar ar stêr Aon e Kastellin. Aze emañ c'hoazh hiziv.