Skol-Hañv 2015 - SIZHUN 2 (12-18 a viz Gouere)

              

KAMP ETREKELTIEK AR VREZHONEGERION

BLOAVEZH   2015

 

     


 

              >> Kan ha dañs
              >> Kembraeg
              >> DPM
              >> Treiñ (gant David ar Rouz)

 


              

 


DAÑS  HA  KAN
12 – 18 a viz Gouere e Kastellin

 

Ar rummad « Dañs ha kan » a bleustro war an dañs ha war ar c’han da zañsal.

Desket e vo dañsoù a bep korn a Vreizh. Evit pep hini anezhe e vo graet un tamm kinnig, lec’hiet an dañs-se er vro hag en istor, ha desket dañsal anezhi. Ha dañset !

Kanaouennoù da zañsal an dañs a vo kanet, studiañ ha kompren ar c’homzoù da gentañ, ha kanañ anezhe…

Ar pal a vo kanañ ha dañsal war-un-dro…

Pep tra e brezhoneg !

 

AR RUMMAD KEMBRAEG
12 – 18 a viz Gouere e Kastellin
An daou live


Daou live kentelioù a vo ar bloaz-mañ c'hoazh  : unan evit an deraouidi hag unan all evit tud o deus  ul live dereat hag a fell dezhe mont war-raok pe donaat o anaoudegezh eus ar yezh.

Kinniget e vo ar c'hentelioù evit an deraouidi gant Jacqueline GIBSON, dileuriadez Cymdeithas Cymru-Llydaw (Kevredigezh Kembre-Breizh) e Breizh ha gant Ffran MAY, Kembreadez anezhi, ha kelennerez e skolaj Diwan Gwiseni .

Kentelioù an eil live a vo kinniget gant Dafydd FRAILING, troour a-vicher bet stajiad ganeomp abaoe bloavezhioù, ha Hynek JANOUSEK, Tchec'had anezhañ, troour hag enklasker a-vicher

Lakat an dud da gomz a vo graet ha deskiñ dezhe ar frazennoù ordinal an implijetañ, setu ar pal d'an daou strollad, pep hini gant diaesterioù diouzh o live.

Kinnig kentelioù kembraeg en ur staj brezhoneg a roio deomp un digarez da ziskouez pegen heñvel eo ar c’hembraeg ouzh ar brezhoneg ha da lakaat war wel ivez an diforc’hioù pouezusañ a zo etre div yezh vodern. Un doare eo ivez da adskoulmañ an darempredoù etrekeltiek etre hon div vro.

 

 

AR RUMMAD DISTAGADUR HA POUEZ-MOUEZH
12 – 18 A VIZ GOUERE E KASTELLIN

 

Dielfennañ hag anavezout diwar glevet ar perzhioù a ya d’ober muzik ar brezhoneg.

Reiñ da bep hini da glevet e vouezh hec’h-unan o klask produiñ peotramant adober ar perzhioù a zo lakaet war wel diwar skouerioù tennet eus dielloù liesseurt (filmoù, kontadennoù, ...).

Sikour pep hini da glask e hent ha “krediñ mont dezhi” betek reiñ da glevet ur muzik yezh ken tost eus ar brezhoneg ha ma c’hell bezañ.

Pal kentañ ar prantadoù labour a zo reiñ d’an dud da santout, da glevet ha d’ober o-unan kentoc’h evit studiañ ar reolennoù a ya d’ober ar sistem yezh. Bez e c’hello ar stajidi tennañ o mad eus an atalieroù seul welloc'h ma vo sonenrollerioù ganto.

Ur roll eus neuzioù fonetik ar brezhoneg hag a vo gwelet ha pleustret mod pe vod warne a c’hallomp reiñ :

•    ar sistemoù pouezmouezhiañ e brezhoneg,
•    soniadoù ha skrivadoù,
•    elfennoù a fonetik,
•    distagañ ur vogalenn taolmouezhiet ha hir,
•    distagañ ur vogalenn taolmouezhiet ha berr, en ur ger unsilabennek, e gerioù taolmouezhiet war an eil silabenn diwezhañ ; kensonennoù gwan, kensonennoù kreñv,
•    anaout lec’h an taol-mouezh er gerioù e KLT klasel ; ar stropadoù gerioù a zo da vezañ distaget evel ur geriad hepken,
•    gouzout pe hir pe berr eo ar vogalenn er gerioù unsilabennek  ; sandhi  kensonenn/vogalenn ; sandhi  kensonenn/kensonenn, etre ar gerioù, etre rannoù ar gerioù e-barzh ur ger kenaozet ;
•    roll ar sandhioù er  c’hemmadurioù diglok en anvioù-gwan war-lerc’h an anvioù-kadarn ;
•    ar soniadoù : [e] / [ε]   ;    [γ] / [x] hag all… ;
•     an taolioù-mouezh er frazenn…
•    An tremen a vras etre ar rannyezhioù hag ar reizhskrivadur.
•    Reolennoù heverk ar gwenedeg.

N’eo ket ar memes animatourien a ray war-dro ar rummad DPM an div sizhun. Ar pezh a vo graet an div sizhun a c'hellfe bezañ un tamm disheñvel eta, met daoust da se, e pep sizhun e vo diouzh an hevelep programm.

 

AR RUMMAD TROIÑ
12 – 18 a viz Gouere e Kastellin

 

Ne dalv ket ar skrid-mañ e « gwenedeg » e vo graet get ar rannyezh-se e-pad ar sizhun, nag e vo digomprenabl ar stummour ! Moian zo oc’hpenn bout ar stummoù KLT àr ar lec’hienn www.trohadistro.com.

1. Palioù ar rummad
Gober anaoudegezh get an troiñ dre skrid hag an dermenografiezh, diàr testennoù teknikel : o zalvoudegezh, ur feson d’ober h. c’h.
Pleustriñ é troiñ a-stroll un destenn deknikel, hir a-walc’h, a-hed ar sizhun.

2. Piv ?
Stummour : David ar Rouz, get sikour kelennerion arall àr ar lec’h.
Digor da : razh ar vrezhonegerion ampart da skriviñ ar yezh.

3. Degasit geneoc’h...
Un urzhiataer hezoug ma 'peus unan, get ur skridtreter.
Geriadurioù ha yezhadurioù e brezhoneg.

4. Kanniget e vo deoc'h...
Testennoù a vo dibabet asambl d’an deiz kentañ get strolladoù a dri pe bevar den :
     > skrivet e galleg ;
     > àr-dro 700 pe 1 000 ger enne ;
     > é plediñ get tachennoù teknik.

Roet e vo deoc’h ur feson d'ober ha teulioù pe titouroù da sikour geneoc'h.

 

Pegoulz ?

Petra ?

Evezhiadennoù

 D’ar Lun – 9 e - 10 e 15

 Prezañtiñ ha kendiviz a-ziàr an troiñ

 Labour a-stroll

 D’ar Lun – 10 e 15 - 10 e 45

 Ehan

 D’ar Lun – 10 e 45 - 12 e

 Kenderc’hel ar c’hendiviz ha dibab an testennoù orin hag ar strolladoù

 D’ar Lun – 2 e - 3 e 15

 Penaos gober ? > Aoziñ ar labour a-stroll

 D’ar Lun – 3 e 15 - 3 e 45

 Ehan

 D’ar Lun – 3 e 45 - 5 e

 Krog e-barzh : lenn aketus, kompren, renabliñ an termenoù diaes pe arbennik, krog an enklaskoù

 

 D’ar Meurzh – 9 e - 12 e

 Enklaskoù da gavout an termenoù a faot : monet àr-lerc'h dielloù pe arbennigerion

 Graet e vo ehanoù ha studiet asambl ar c’hudennoù gwelet get lod

 D’ar Meurzh – 2 e - 5 e

 Termenografiezh a strolladoù, skriviñ

 D’ar Merc’her – 9 e - 12 e

 Skriviñ hag adlenn pep hani e destenn

 D’ar Merc’her – 2 e - 4 e

 Kendoniiñ an troidigezhioù, adlenn a strolladoù

 D’ar Yaou – a-hed an devezh

 Adlenn get sikour ar stummour pe ur c'helennour arall

 Labour a strolladoù

 D’ar Gwener – 9 e - 12 e

 Adlenn get sikour ar stummour pe ur c'helennour arall, peurlipat an destenn

 D’ar Gwener – 2 e - 5 e

 Prientiñ ar veilhadeg

 Labour a-stroll

 D’ar Gwener – 5 e - 7 e

 Bilañs ar sizhuniad staj, kempenn ar sal

 

     

ANV :
Lennet em eus programm ar c’hentelioù TREIÑ DIWAR TESTENNOÙ TEKNIKEL ha kadarnaat a ran va dibab da heuliañ ar rummad kentelioù-se bemdez, eus 9 eur da 12 eur diouzh ar mintin hag eus 2 eur da 5 eur goude kreisteiz, a-hed ar sizhun.

 

>> Petra vo graet gant KEAV - Staj-hañv

 

pezhioù-stag da bellgargañ:

    >> KEAV-Folenn pleg dibleg.pdf

    >> KEAV Skoazell 2015 pdf

    >> KEAV folenn enskrivañ pdf

 

KEAV

 ausujetdekeav-bis

KEAV 22 hent Mouliouen 29000 KEMPER
Pgz : 02 98 95 59 31 Postel : keav@keav.bzh

 

Diwar-benn Keav

E 1948 e tivizas 3 emsaver breizhad,Vefa de Bellaing, Zavier Langleiz ha Ronan Huon sevel KEAV, kentañ skol-hañv e brezhoneg penn-da-benn. Da mare-se e oa ret bezañ kalonek evit krediñ hen ober, koulskoude, petra a c'hellfe bezañ efedusoc'h hag anatoc'h eget ur c'hamp lec'h ma ne vez implijet yezh all ebet estreget ar yezh emeur o teskiñ ? Betek ar bloavezh 1976 e veze dalc'het ar skol-hañv bep bloaz en ul lec'h disheñvel e Breizh. Adalek ar bloavezh 1976 e voe dalc'het ar staj ingal e Skaer, ur gêr vihan a vro Gerne. E 2010, cheñchamant, setu KEAV e Skol al Labour Douar ar stêr Aon e Kastellin. Aze emañ c'hoazh hiziv.