Ampellaet eo bet an dibenn-sizhun evit ar familhoù hag an dud deuet a oa raktres eus an 8 d'an 10 a viz Mae 2020, abalamour d'ar c'hCovid-19.
Ur sizhun evit ar familhoù eus an 12 betek an 18 a viz Gouere zo raktreset e-kerzh kamp-hañv KEAV e-giz boas avat. Ha raktreset eo dija un dibenn-sizhun en diskar-amzer 2020 hag unan all en nevez-amzer 2021.
Resisadurioù dizale.
E 1948 e tivizas 3 emsaver breizhad,Vefa de Bellaing, Zavier Langleiz ha Ronan Huon sevel KEAV, kentañ skol-hañv e brezhoneg penn-da-benn. Da mare-se e oa ret bezañ kalonek evit krediñ hen ober, koulskoude, petra a c'hellfe bezañ efedusoc'h hag anatoc'h eget ur c'hamp lec'h ma ne vez implijet yezh all ebet estreget ar yezh emeur o teskiñ ? Betek ar bloavezh 1976 e veze dalc'het ar skol-hañv bep bloaz en ul lec'h disheñvel e Breizh. Adalek ar bloavezh 1976 e voe dalc'het ar staj ingal e Skaer, ur gêr vihan a vro Gerne. E 2010, cheñchamant, setu KEAV e Skol al Labour Douar ar stêr Aon e Kastellin. Aze emañ c'hoazh hiziv.
KEAV 22 hent Mouliouen 29000 KEMPER
Pgz : 02 98 95 59 31 Postel : keav@keav.bzh
