D'ar Sadorn 28 a viz C'hwevrer 2026, KEAV a ginnig deoc'h un devezh-studi :
e skol-sonerezh (auditorium) Langedig
Kentel 1: yezh hag identelezh
Eus Bro-Skos da Gatalonia 'n ur dremen dre Gorsika, meur a strollad dizalc'hour a zastum kalz a vouezhioù en dilennadegoù en Europa hiziv. Met e Breizh, 'lec'h m'eo bev-buhezek ar sevenadur, ar strolladoù dizalc'hour hag emrenour n'o dez nemet disoc'hoù dister. Daoust hag e talvez kement-se n'en em santfe ar Vretoned nemet frañsizien ? Kazi pemp kant vloaz zo ec'h eo stag eo hor bro ouzh ar Stad kreizennetañ en Europa... Marteze, amañ, n'eus tamm ster ebet ken gant ar goulennoù a denn d'an identelezh ? Pe, ma zo c'hoazh eus ur santimant aparchantiñ e Breizh, penaos eo stummet ? Ha peseurt liamm zo etre ar yezhoù — brezhoneg ha gallaoueg — ha nerzh an identelezh vreton ? Evit respont d'ar goulennoù-se e kemerimp harp war ur pezh-mell enklask bet kaset war ur standilhon eizh mil den.
gant Ronan ar C'hoadig
"Sokiologour, diplomet eus Sciences Po Pariz, agregad e skiantoù sokial, doktor hag HDR e sokiologiezh. Kelenner emeritus war yezh ha sevenadur Breizh e skol-veur Roazhon 2. Adkrouer an Diplom Studioù Keltiek, gouestlet da Vreizh ha d’ar broioù keltiek. Aozer ur pemzek levr bennak ha pennadoù niverus diwar-benn sokiologiezh Breizh, ar minorelezhioù, ar vroadelouriezh hag an divroañ. Prezidant ar gevredigezh Mignoned Anjela, a labour evit mirout bev hêrezh ar varzhez Anjela Duval. Kolier an Erminig (2023)."
Kentel 2: Treiñ ha lakaat da dreiñ
An teknikoù treiñ a vo gwelet buan (emprestiñ, kalkiñ, azasaat, treuzlakaat...) hag implij an naouegezh artifisiel evit aesaat (pe pas!) al labour treiñ.
gant Myriam Guillevic:
Priz:
43 € priz klok : 38€ (mizioù pedagogel ha pred) + 5 € (skodenn-vloaz)
38 € priz digresk : 33€ (mizioù pedagogel ha pred evit ar studierien hag an dud o klask labour) + 5 € (skodenn-vloaz)
Gall' a rit kas ho chekenn da: KEAV, 22 hent Mouliouen, 29000 Kemper.
Peotramant paeañ dre dreuzkasadenn-vank: pellkargañ ar RIB (Trugarez da resisaat ar menneg "Devezh-studi" en ur c'houc'hemenn ho paeamant)
Live:
Gwelloc'h eo kaout ul live B1 a-benn profitañ eus dañvezioù ar staj.
Tud nammet:
Mont e darempred ganimp evit studial ho koulenn hag an ezhommoù kempouezañ: 02 98 95 59 31
Ar stummadur dibaouez
Ne vez ket kinniget ken da stajidi ar stummadur dibaouez dont d'an devezh-studi. Evit ar skol-Hañv hepken e vo mat. Ma vez goulennoù e c'hallit mont e darempred gant ar c'henurzhierezh (Cette adresse e-mail est protégée contre les robots spammeurs. Vous devez activer le JavaScript pour la visualiser.).
Kenweturiñ:
Gallout a rit en em aozañ gant al lec'hienn:
