Renet eo Kamp Etrekteltiek Ar Vrezhonegerion gant Cedric CHOPLIN, Prezidant, a-gevret gant ur c'huzul-merañ a vez bodet 3 pe 4 gwech ar bloaz. N'emaint ket o-unan avat : ne vefe ket eus KEAV paneve skoazell ur gwir skipailh tud hag a labour evit prientiñ ar pezh a vez kinniget a-hed ar bloaz : un Devezh-Studi, un dibenn-sizhun Staj Kan, daou zibenn-sizhun "Brezhoneg er Familhoù", hag evel-just an div sizhunvezh Skol-Hañv gant ur greizenn-dudi. A-benn kas an obererezhioù-se da benn ez eus un toullad kenlabourerien ouzhpenn : ar gelennerien hag an animatourien da gentañ-penn evel-just, tud eus an diavaez diouzh an degouezh, hag ivez ar stajidi o-unan a c'hall kemer un obererezh war o c'hont, ken e c'haller lavaret mod pe vod ez eus ur gwir rouedad o kemer perzh e mont en-dro ar gevredigezh. An holl dud-se a stourm a youl vat evit KEAV...
Anna ar Beg, renerez Keav abaoe ar bloavezhioù 70
